بالله عليك حل عنا

 

بسم الله الرحمن الرحيم  بالله عليكم يا اصحاب الموقع انشروا هذي الرساله من شاب ليبي مقهور يتكلم من قلب محروق   نبي نكلم مولانا القذافي قدس الله سره وادام ظله على البلاد والعباد بكل اختصار ووضوح يا قايد يا مفكر يا مبدع يا ملهم يا صقر  يا محرر يا ثاير يا رسول الصحرا يا اله العالمين بالله عليك حل عنا خلاص ملينا منك عيينا فدينا كان فيك قطرة دم كانك تتحشم يا راجل معاش نبوك فقرتنا ذليتنا جهلتنا قتلتنا يشفع فيك الرسول برا دور بلاد عيش فيها راك نجست بلادنا الطاهرة كل ليبي يكرهك الكبير والصغير الراجل والمرا العالم والجاهل كل يوم يسبوا فيك ويدعوا عليك يا دجال يا زنديق يا مجنون يا مريض دور شعب من الجن والا اي جنس اخر على كوكب اخر برا للمريخ ان شاء الله تلقا مخلوقات غادي حاضر عليهم علمهم افكارك المبدعة الرائدة احني ملينا منك ومن فكرك كل يوم ووجهك المسخوط طالع عالشاشة يكذب في كذبة جديدة خليتنا مضحكة بين الناس ربي يضحك عليك كلاب جهنم  شباب ميت عوايل فقيرة تتسلف في حق الخبزة ناس عايشة تحت الزينقو  يا راجل رسول الله صلى الله عليه وسلم دخل يثرب بعد 10 سنين جعلها عاصمة الدولة المسلمة القوية العظيمة  عمر ابن عبدالعزيز مسك الحكم عامين معاش قعد فقير في دوله الاسلام من ليون الى سمرقند وانت قاعد تفكر 37 عام بدون نتيجة جيت لدوله مبنية خليتها مقبرة بديت مضحكة بين الناس كانك تفهم برا انتحر امسح العار اللي درتا لنفسك واهلك واخيرا نقولك لعنة الله عليك والملائكة والناس اجمعين ووعد مني اني ندعي عليك كل صلاة فجر ودعوة المظلوم لا ترد والله يمهل ولا يهمل يا ويلك من ربك كيف تبي تقابله غريمك محمد يوم الدين  بسبب كل اللي درتا في امته ومن كان الرسول غريمه كيف يربح  واخيرا لا سلام عليك ولا رحمة ولا بركة