12/06/2006

طرابلس

الحمد لله والصلاة علي خير البشر ومن نهج طريقه الي يوم النشر..... وبعد.

انا احد الشاكرين لموقعكم علي اتاحة حرية المشاركه والنشر وموضوعنا هو الاتي :

كثر في الاونه الاخيره وعلي صفحات الانترنت وفي الهدرزه العاديه حتي في المنازل الحديث عن نظام طرابلس الشر وبنغازي المحرومه ومخيمات لاجيئين وغير ذلك وتحت مسميات عده عنصريه جهويه او قبليه او عدم درايه وللتوضيح اقول طرابلس مدينه عريقه وعظيمه ولا دخل لها لا في السابق ولا في الوقت الحالى بما يحدث من خراب بسبب البداوه طرابلس نفسها تعاني الامرين ظلم اصحاب هذه الكتابات وظلم عصابة البدو الحاكمه فلا نحن سهلنا ويسرنا لهذا الانقلاب ولاساعدنا في الخراب واسألوا من يسر وقدم لهذا الامر وخان الامانه والسلطان.

طرابلس اليوم فيها المجاري الطافحه وفيها سكان البراريك او المخيمات كما قال المدعو جاب الله ولان اهل طرابلس حضر فهم لايعرفون الخيم ولا النوق. لعل الساده المولولين علي بنغازي لايعرفوا بقصد او بغير ان الخراب عام ول! علهم شاهدوا علي قناة القنفود تلك المدرسه بمدينه ترهونه والطلبه يجلسون علي الطوب الاسمنت بدل الكراسى والسقف من الزنك ولا ابواب ولا نوافذ وهم ذو عدد تجاوز مئتان طالب او لعلهم لم يشاهدوا الطريق الساحلى بين طرابلس الخير ومصراته و لعلهم لم يزورو نالوت وزواره .

الخراب عام مع استتناء مصراته وسرت ونرجوا من الساده الذين يكتبون من امثال اصحاب الجبهه الذين اصبحوا فيما يبدوا جلهم من برقه الخير وذلك نتيجه لعنصريتهم وقبليتهم المهم جهات كهذه من المفترض ان تكون محايده ولكن للاسف تفوح من كتاباتهم العنصريه اما قبليه او جهويه .نحن في طرابلس لانعرف القبيله وليتنا نعرفها ثم اهلنا لم يكونوا ذوا مناصب لا في السابق ولا في اللاحق حتي يهربوا بالفلوس ويعيشوا في رغد مع ملاحظه انصاف وهي الشعور بالغربه عند بعض هؤلاء ونحن لابد لنا ان نحترم جدا الذين ضاقت بهم الارض كما نحن هنا وهاجروا وانصفوا كالشيخ مصطفى البركي اطال الله عمره.

علي اي حال اهل طرابلس ضحايا متلهم مثل باقي ليبيا ويطلبون الانصاف وقول الحق لان اهلها لايحبون الكتابه علي الانترنت كما تحبون ! ولانهم خليط فهم ليسوا دعاة قبيله ولا انقسام.

والله من وراء الق صد

طرابلسي يطلب العدل