|
|
|
|
|
|
22/03/2006
|
الو الو الو مكالمة لمجهول الو الو الو
اسمعوا انتم لما كلفتوني بيش نحكمهم وندمرهم قولتو لي انهم ثلاثة مليون بس ، واني ما قصرتش معاكم طحت فيهم تصفيه في السر والعلن ، وشنقتهم في الساحات والجامعات ، وذبحتهم في بوسليم وغير بوسليم ،وارفعتهم لاوغنده ولتشاد والكونغو ونيكارجوا والصومال ولبنان وايران والسودان، وعملتهم حرب مع مصر وتونس ، وفلست بيهم وسكرت لهم تجارتهم ومصانعهم ، ودمرت القطاع الخاص والعام ، وخليت الكناسة قدام حياشهم وفي الشوارع ، وشربتهم الماء المالح ،واعطيتهم فلوس بيش يمشوا لافريقيا ، وجبت الافارقه بيش ينشروا الفساد والامراض ،ودمرت الصحة بالكامل ، ونشرت الايدز والحمي والتيفود والوباء الكبدي والسرطان والفشل الكلوي ،ونشرت الدعاره والمخدرات والهيروين والكوكايين ، وتوه نبي نرفعهم لدار فور ، شن نعمل مابوش يكملوا ، وتقولوا انهم توه خمسة او سته مليون، الو الو اسمعوا اصبرو علي شويه بس ، توه اني كلفت ولدي الكبير يشكل لجنة ويعمل اعداد واحصاء جديد ، هذيم زي زريعة البق مايكملوش بكل ، غير اصبروا علي شويه بس ، واصغاري كبروا وتوه يعاونوني ، صبركم علي شويه تربحوا خلوني في مكاني وتسمعوا اخبار ئتفرحكم
مع تحيات
الشهيد رشيد كعبار |
