وينك يا حسن لامين وينك يا منبر الليبيبين ومنفسهم في الخارج ... يا ناس ليش انتم ما تكتبوا علي موضوع المرتبات والله اليوم10 التاريخ والمرتبات امتاع شهر اربعة ما زال ما نزلن ... وينكم ما قبل تكتبو في كل صغيرة وكبيرة ... يا جماعة الخير بلاد خيرها لغيرها والله المرتبات ما زال ما نزلن ما فيش حد ايقول كلمة خير

المرتبات راحن لحماس والبغدادي قاعد كل يوم هو وعصابته اللي حطها معمر ايتعشوا بعشرة آلاف دينار مع الرساء العبيد اللي واكلين الدب وما كسب والليبيين قاعدين قريب ايموتوا من الجوع.

 

وينكم ووين صحيفتكم اللي ما كتبتش علي الموضوع هذا بكل ... حسبي الله ونعم الوكيل لعند امتى بس الوضع هذا ... ممكن تكتبو من أجل ليبيا وضحوا للعالم أن الليبيين قاعدين يتسولو في الشوارع توا بسبب تأخر المرتبات والله يا ناس حرام عليكم الموضوع والله عاجل الليبيين يشحتوا الجماعة حتى المرتبات اقصرو فيهن تكلموا عارفين ان نحنا ما عندناش وسيلة الا هذه نحكو بيها وانتم قوموا بدوركم ولا  شاطرين غير تطلعو في الكوارث الكبرى كأحداث بنغازي حتى غيبة الرواتب والله اشر من أحداث بنغازي في اللي قاصر علي حق الخبزة

يا ناس والله الكلام هذا من قلب الحدث وانشروه والله هذا الكلام اللي ساير في ليبيا تحركـوا وأحكو والله تكسبو الآجر في خوتكم اللي جوا ليبيا وإن لله وإنا إليه راجعون