26/09/2006 |
|
|
|
|
|
الهتش ... الشرطي ... والتاج |
|
|
السلام عليكم ،،، كنت أضن أن اسمه الحاج يونس الهتش المغربي وليس عبدالنبي المهم يحضرني له هذا الموقف: دخل ذات مرة إلي مدينة بنغازي بعد الأنقلاب بسيارته وعند وصوله إلي تقاطع ديوان المحاسبة (تقاطع شارع الجزائر مع عبدالناصر) قادما من مفترق الطرق (مؤسسة الكهرباء) أراد الدخول علي اليمين فأستوقفه شرطي المرور وقال له: غير وين هاد ارجع للخلف وهات أوراقك
فرد عليه الحاج بهدؤه المعروف: خير إنشاءالله
رد الشرطي: أنت خاش في الممنوع
الحاج: والله لي كم عام في عام وإنا ندخل في هالشارع من هن كيف منعتوه توا !!
الشرطي: أوراقك ياحاج متعطلناش من اللي مش عارف شارع جمال ينزل ومايرقيش
الحاج: والله نا مانعرفه إلا شارع الاستقلال يرقي وينزل
الشرطي: هيا ياحاج الاوراق
المهم الحاج عطاه الاوراق وطبعا بالنسبة للبوابات الحاج ماعندش معاهم مشكلة كلهم معارف بس في هالخزوق وأمثاله (رخصة الهتش مازالت ملكية عليها التاج)
الشرطي شاف التاج عيط قال: تي تي وين ياحاج مقدمك نحن وين وأنت وين
الحاج متجاهلا: شن فيه ؟
الشرطي: التاج ياحاج الحاج: كنه التاج واجعك والا شنو ياما حطيته علي رويسك ياعسيكري .....
بنغازي
|
|
